2014年4月8日星期二

嚇死人唔使本




語不驚人死不休
香城前世確唔修
經年內訌身家盡
面對刀光冷汗流

不知何解、有些勤王之士討論港人港事之時、總是語不驚人死不休似的。除了早前那名說香江人是狗的北大教頭恐怖東之外、最近另一位被喻為一錘定音的北大教頭饒君日前聲稱、如果香城不就廿三條立法、可以引進內地國家安全法代替。不知此君之言是個人吹水、抑或是有代表性、總之在下聽聞後渾身都有點起雞皮嘅感覺。須知到基本法規定、本城立法是必須由立法機關通過才行、所謂直接引入國安法等同架空本城立法機關、簡直太過恐怖喇!饒大教頭如此講法、難道不怕被人告他一狀、指他企圖誣陷阿爺不尊重基本法乎?

所謂空穴來風事必有因吖嘛、既然饒大教頭講得出口定必有其目的。呢嗱、剛剛出來解話嘅胡大狀就帶出點點玄機來矣!他說饒大教頭所講的話、是指當警方無力應付佔中事變之時、而香城又未將廿三條立法、駐港解放軍就無出動嘅法理依據、到時只能以基本法十八條規定、將國安法附件三在本港引用。唔知在下有冇理解錯誤、感覺上胡大狀似乎是說、立法廿三條就是為使解放軍出師有名。咁講法、會不會越描越黑呢、吓?其實用不着胡大狀重複、市民都知到假如連防暴隊都無力控制、解放軍就會有接管香城治安嘅理據。因此這此話對於企硬要佔中人士來講是起不到作用、對一般市民來講亦不見得有任何新意。

香城就是這麼樣的一個地方、無論是堅持佔中的、抑或是反對佔中的都指對方禍港、只有自己自才是為香城好。作為普通人的我、實在有點混淆不清與無奈!


19 則留言:

  1. 域兄:
    而家香港就如毛澤東話齋,天下大亂,越亂越好⋯⋯
    所以嗰班友仔仲唔成機抽水,掠水!

    回覆刪除
  2. 「作為普通人的我、實在有點混淆不清與無奈!」真架!

    回覆刪除
  3. 香港人真的是身不由己,聽話做順民慘,唔聽話瓜得。

    回覆刪除
  4. 就是這些政治 讓人心。。。。。多少動盪。。。。

    回覆刪除
  5. 我好懷疑嗰啲京城學者,係咪駛錢買張沙紙返嚟,尤其係嗰幾個不大教授! 既沒有學者修養,亦沒有專業分析,周不時前言不對後語! 香城一啲擦鞋仔即時湧現附和,我對於呢啲言論已聽到麻木,沒有什麼反應了!

    回覆刪除
    回覆
    1. 班友仔好學唔學、學安倍講講下就當真....

      刪除
  6. 講人自講, 企出嚟替主子撐幾句, 話唔埋有利日後升官發財。其實都係好似黑幫講數, 互相拋吓浪頭睇邊個薑啲啫。

    回覆刪除
  7. 還是升斗小民自求多福好!

    回覆刪除
  8. 老師規定學生要交功課, 學生亦同意功課做好之後馬上交, 但有部份同學認為未到考試, 沒迫切性, 功課唔使做住, 更有學生認為讀書求知識, 考試多餘的.

    回覆刪除
  9. 域兄,胡大壯這麼一著,會否讓佔中或反佔中的香城人,打番個天崩地裂。
    事關,香城仔視禍港。普通人小女子的我、暈頭轉向,好無奈!

    回覆刪除
    回覆
    1. 目前時勢尚是口水戰、遲些則不敢樂觀矣!

      刪除