遠看似出貓
近睇派大包
不知何所以
告別袋中抄
繼去年鐵頭帶同老伴參加飛雞公司提供的免費歐遊團之後、日前他老人家又在大話堂闖禍了!事緣日前有人以攝錄機拍得鐵頭在議事期間打開手機偷看肉彈豔照、而且看得津津有味。從他那全神灌注模樣看來、莫說不知財爺講緊乜東東、簡直連老爸貴姓都可能唔記得。當照片流出江湖之後、鐵頭立即被冠以紫荊城第一AV男。
有人話去年鐵頭被踢爆攜眷參加便宜旅遊令到白鴨幫上下蒙羞、而今次又被人拍攝到在議事期間偷看豔照進一步損害幫會聲譽、實在罪無可恕喎!坦白講吖、若然拿財爺那份炒冷飯預算案跟肉彈豔照相比嘅話、唔使問阿貴都知到睇豔照好過聽佢發噏風啦!聽聞當時大話堂還響起陣陣打鼻鼾之聲、即是說還有其他人民代表個人在而心不在、既然大眾都係呃呃吓、那麼看看豔照又有啥好大驚小怪?
當白鴨幫獲悉鐵頭在議會期間看豔照時並未有即時反應、直至紫荊嘉獎會嘅李支煙大姐公開向他們贈送AV寫真集之後始知踩中地雷、於是立即公開譴責鐵頭、並罰他捐出一萬兩銀給富女拳擊會。吓!鐵頭只係偷看豔照、又唔係偷窺真人、咁都要向富女拳擊會賠款?難怪有人話、既然白鴨幫老是喜歡以錢去打發問題、倒不如索性跟富友幫結盟罷啦!最弊家火就是當鐵頭知到可以賠款了事、便登時公開道歉吖嘛。唉!食選票飯這一行嘅人衰一次都嫌多、何況是一衰再衰?試問一個被視為愛貪小便宜又在開會時間睇鹹相嘅人、還有何資格繼續去做人民代表?假如今次斷正嘅人物係一個官嘅話、你估佢嘅下場會係點?在保衛幫會和自己聲譽大前提之下、鐵頭不獨只不應道歉、反而要使出看家本領來、將偷看肉彈豔照解讀為揶揄財政預算案淡而無味、並趁機要求財爺在預算案中加幾分肉緊才肯收貨。假如鐵頭夠膽死雞撐飯蓋嘅話、佢班擁躉就一定會盲目撐硬佢嘅。點都好過今次咁、搞到有份選佢嘅人都面懵懵、就唔好吖嘛!係冇?
佢應該玩完啦。其實唔聽好閒,因為成份預算案己經放係檯面,只係太疏忽啦,睇艷照,死硬。
回覆刪除世事難料、就讓我們看看後事如何發展吧!
刪除在議會期間看豔照,罰一萬攪掂。會唔會是史上第一單呢?!
回覆刪除好像是的。
刪除其實好多人電腦DESKTOP幅相係女性, 我電腦就係我偶像王姐姐, 都唔一定睇美女相, 只係電腦SET成咁姐.
回覆刪除也許、也許!
刪除政客就係咁, 因預算案都唔關佢事!!!
回覆刪除相信有這個可能的。
刪除都係做專貴好過做官!
回覆刪除對極了!
刪除有人說看美麗的照片可以延年益壽,莫非這是為了增壽,或者為了減壓?
回覆刪除被人錄影到真係瘀呀!
我想尊貴最大嘅壓力就是坐在大話堂聽古仔....
刪除唔驚衺,睇艷照,捉到正,好鬼瘀!
回覆刪除這叫剃人頭者、人亦剃之....
刪除他應該玩完了!
回覆刪除下次大選結果會告訴我們的....
刪除投呢班友做議員,真的是浪費納稅人的錢。
回覆刪除上次齊齊搭飛機, 今回自己玩手機, 半個鐘無玩出火, 睇怕沒有打飛機.
回覆刪除