2014年1月20日星期一

官爺拚爛



官爺撒賴你吹咩
蹆軚騎呢未算邪
廢話千編成道理
時逢大限有天遮

怪事年年有、今年特別多。眾所周知但凡立大廈公契必先經由蚊政衙門發牌部門審查和批准的。之不過日前有報導指出有人違反大廈公契開設客棧、而有關衙門解釋公契乃私人合約、他們無權亦無必要去解讀、只要申請合符衙門所有規定便可獲得發牌、假如大廈業主認為有人違反公契的話、應當自己依循適當途徑解決。從官老爺嘅講法聽來、難免令人疑惑究竟那份大廈公契有沒有法律效用?如果冇嘅話、點解要人家立公契?若然有嘅話、何解衙門在發客棧牌之前連審查都唔做?喂喂、咁搞法即係點啫?

呢嗱、在洋鬼子管治時期、衙門中人躲懶只能偷偷摸摸。但臨散檔的五至六年期間各大小衙門高層人心散離、上中下層公人紛紛開小差、而且有人偷偷摸摸的跑到家鄉去尋花問柳。還好的就是洋鬼子臨走之前不惜讓醜聞曝露於人前、進行了一次嚴厲的打蛇行動、結果成千上萬條大蛇小蛇落網。勢想不到今時今日由咱家龍的傳人當家作主之後公人可以公開拚懶、而且還有大條道理支持自己、都可謂清出於藍勝於藍矣!記得殖民時期只要市民打個電話投訴兩句、被投訴的員工便寫解釋都寫到手軟。例如在上述的打蛇行動中、輕則收警告信、扣薪水、降職、重則執包袱。不過在第一屆龍的總督接手管治不久、就示範了一次史無前例的經典打蛇之作、當時由內應提供線報、再由白鴨幫長老明話你帶領記者在約定時間一起闖入迫爆區公家車房捉蛇、結果高級管理層冇事、蛇王嘅低級員工也冇事、只有四名管工被指為蛇王集團首領和填寫假工作報告、各被判監禁四至八個月不等。不過事後聽聞那次嚴打是懵懂伯伯與四慢奶媽兩人內訌所衍生出來的連環不幸事件其中部份、當他們先後執包袱之後又再大鳴大放、時至今日一切都變得習慣兼自然矣!

聞說府衙準備將公人的退休年齡延長五年。假如構想落實的話、算不算等同將拚懶風氣再延續五年?

20 則留言:

  1. 除地產霸權之外,公樸又是香港的暗患……

    回覆刪除
  2. 哈哈!衙差有好有壞,不能一竹篙打盡一船人! 如果問有無衙差鍾意做到65歲?我相信97前入職嘅衙差一定唔制,因為依家做到55歲,已經得返半條人命,做多10年,邊個可以保証有命退休! 但新入職嘅衙差就無得選擇,佢哋一定要做到65!

    回覆刪除
    回覆
    1. 樹大自然有枯枝、公人團隊當然不例外。坦白講、的確有人做到氣咳、有人蛇到連阿媽都唔認得。所謂天下有三危、1,少德而多寵;2,才下而位高;3,無功而受祿。然而公門三危齊犯、幸好還有些堅唔信鏡嘅人努力做好本份、否則想唔冧檔都幾難矣!

      刪除
  3. 衙門公僕不易為,有人做到死死吓,有人得閒等出糧。

    回覆刪除
    回覆
    1. 衙門中人有人長期抱着一種做多錯多、做少錯少、唔做冇錯嘅心態、當然士氣不振。當不同政治力量人侵之後環境更加複雜、因為唔知應該企那一邊吖嘛!當無陳四姑與懵伯伯之鬥就是個典型例子、但今天更加不濟矣!

      刪除
  4. 回覆
    1. 小市民無政治包袱、所以想點都得、不過若然選錯邊就弊傢伙之嘛!

      刪除
  5. 審查唔係查公契, 要我查埋我唔制. 我只係負責發牌, 發牌唔係好巴閉.

    回覆刪除
    回覆
    1. 本來做冇計,
      最怕被人砌。
      大纜絞唔埋,
      唔想做契弟。

      刪除
  6. 班官爺越來越走火入魔,按本子辦事,也不管是否合理,有事發生更加先推後想,不被迫到埋身,也不會有任何改變,更不會有責任。主要的原因還是做得好是應份的,冇獎,做不好便......
    而家個社會,只係人人都向亞公攞著數。

    回覆刪除
    回覆
    1. 其實亦是正常的、請回首看看紫荊官場、大把人呃公銀、但只有他被告到甩轆、有人狂食夾棍公然搵大眾老襯、但居然安然無恙。咁搞法搵阿茂認真去做咩!所以話啫、人一旦有了奴隸性格、冇咁易改得嘅。不如叫肥彭返來管吧啦!相信會普天同“”架!

      刪除
  7. 以前官字二個口還情有可原,依家新世代還存有如此心態,難怪香港競爭力每況愈下。

    回覆刪除
    回覆
    1. 本城只不過是政治鬥爭之下的犧牲品、亂制冇贏、飯民冇贏、天朝冇贏、因為大家都是輸家。

      刪除
  8. 怪事未停過,只因人心不變。。。。老是一樣的。。。。醜惡

    回覆刪除
    回覆
    1. 在下認為用「醜惡」二字來形容今是紫城是最合適不過。

      刪除
  9. 醜惡官爺是香港的暗患……廢話千編, 怪事發生未停過!!

    回覆刪除
    回覆
    1. 在本城政壇之中、督爺以及各黨各派亦均為棋子而矣!

      刪除
  10. 香港公務員在九七前被稱為是最優秀一群。

    回覆刪除
    回覆
    1. 九七後已經進化成最「生鏽」的一群了!

      刪除