2014年1月11日星期六

無厘頭之爭



人多便是牛
無須講理由
屙尿沖大海
屙屁搗牌樓

明記茶樓總廚神被調職、另聘一名馬拉廚神來揸拂、以致一眾員工人心惶惶、認為來者非我族類、於是群起哄動要求老闆收回成命。這件事正好反映出今日並不止打工仔世界難撈、甚至連老闆都未見得好做得到那裡去。之不過如果曉得在不合意的事情上套上一個政治光環、就可以獨占道德高地、無論有理冇理都好、講句話都顯得理直氣壯過人的。呢嗱、今期明記勞資雙方就是個典型例子喇!

坊間傳聞指明記大廚所造嘅菜式過於編重辛辣、不單只令老人家吃後喉嚨痛、甚至連生意額和受歡迎排名皆雙雙下滑、最弊傢伙就係大老闆要求大廚減小辛味猛烈嘅調味亦無人理會、人家嬲起上來咪決定撤換主廚囉!員工擔心在新人事新作風之下自己嘅飯碗難保是可以理解的、但弊就弊在無端端走咗幾個搞搞震冇幫襯嘅政治入物來架樑、事情就馬上變得複雜起來了!情況就有如大老闆被人以利刃卡着嗓子來講數一樣。不過大老闆依然裝作若無其事、並向表示將主廚調去領導一個新部門純粹是公司行政決定、並說明高層無意干涉廚房運作、並準備過幾日同員工開茶會好好的傾下偈。看來這位老闆都算低聲下氣矣!

俗語有話物極必反、記得在N年前城中私辦慈善機構社工薪水落後於公家同行、故此在社會上引發起同工不同酬嘅爭議。本來爭取合理待遇是人之常情、但有人竟然教唆受救濟的人們跑上街頭抗議這、抗議那、甚至與政客聯手對自己老闆作出種種指控、結果搞出個大頭佛來了!那些願意拿錢出來做善事的人們都被嚇跑了、慈善機構關門大吉了、大群社工都失業了!到那個時候人們的腦袋才清醒過來、終於明白原來自己是迫使別人貼錢買難受、可惜的就是悔之已晚。早前的葵燶碼頭大罷工一役之又歷史重演、顧主寧願摺起檔攤都不肯妥協、以致大群機手失業或轉行。這足以證明世界上冇話冇咗邊個唔得、假如雙方都能夠易身而處好好的在對方立場上想一想、事情肯定好辦得多。可惜根本無人肯buy這一套。

也許今天世界變了、甚至連價值觀都有所不同、所以山姆大叔那套「先行拉幫結黨、繼而小事擴大、最後以大勢壓倒一切」嘅處事方式成為當世主導。其實人所共知此乃仗勢欺人之舉、但人們卻偏偏樂於追隨、大概這叫作贏才是硬道理吖嘛!

16 則留言:

  1. 認同,今天世界變了,是顧客主導,是日本時代集體領導?

    回覆刪除
    回覆
    1. 現代人很喜歡將歪理說成道理....日本人對釣魚島版熊度就是例證!

      刪除
  2. 歐美的政治體制民主,但私營機構就是獨裁者的樂園。看那個被世人傾慕嘅神級商業奇才,不是獨裁專權,但他們每每有遠大眼光,心中所想非一般人能理解。庸碌之輩還在他們雄才偉略之下做追者。去世不久的史蒂夫·賈伯便是世上的無形領袖。之前我們一眾網民送走的亞虎女CEO亦在此列。

    回覆刪除
    回覆
    1. 紫荊人根本不懂政治為何物、那些政棍大多只是混飯吃而矣!

      刪除
  3. 我一直想唔明,為何香港彈丸之地出咁多富豪?
    依家又有人提出標準工時,澳洲幾十年前已有啦,班富豪亦要昜地而想,工資工時是否合理?

    回覆刪除
    回覆
    1. 本地地產賺錢乃世界之最、這裡的富豪十居其九都是由此途徑發達的。可憐蟻民就只能肉在砧板上.....

      刪除
  4. 我都唔明,今日香城論壇都攞左來鬧。明記係私人機構來架,你班大帝覺得換左管理層會唔啱口味,咪開過間搶佢生意囉,冇專利架,點解人地盤生意係要由班攪屎棍話事。

    回覆刪除
    回覆
    1. 唯一解釋就是有人政治上腦走火入魔....

      刪除
  5. 妓協的亞哥亞姐佢地咁鬼呻吟道徳,自游,同騙輯自煮,咁點解對生果肥佬嘅干涉呻吟,創作呻吟,壓制呻吟,對騙輯人員指三點四,隨意係布社拍枱拍凳咁嘅作爲,“從未”譴責過?從未開過聲!從未呻吟過,反而好高潮,仲有果個魚大遮,唔係又係係傷人台咁霸道,如果唔聽佢枝笛,好似李大口咁,任佢指揮,日夜自吟,妓協又係唔會,唔敢出聲,咁不如妓協改名做忌脅,脅咗肥佬同魚大遮而又無理威脅其他正常老闆同布紙有道德有操守嘅人!妓協呢個组織絕對係精神分裂同思覺失調,而且毫無呻吟责任同呻吟道德感。再"尋氣"啲講,生果肥佬同日落西方嘅干涉騙、放、排,係人都知,妓協有冇一次咁多出下聲,生果日月不少次砌人生猪肉,創作呻吟,扭曲彼放者内容,狗仔用超强鏡頭影人幾十層家居私生活,影人沖涼,妓協有冇出聲話下的會員?郁的話呻吟自由,有冇講過呻吟道德同責任?咁嘅組織,只剩兩個字,無耻!家陣仲要管埋人地"生存"同"搵食"嘅安排,咁,呢班妓協嘅頭頭,真係擼管同自喂到乜乜上咗腦咯!香江有咁嘅組織,同有啲咁嘅呻吟從業人員,唔知邊過唔好彩?

    回覆刪除
    回覆
    1. 咱家的民主就是凡聽我的都是民主、凡不聽我的就是不民主吖嘛....嗚呼哀哉!

      刪除
  6. 香城好多企業都蒙上政治色彩,老老實實,我嚟做生意唔係搞政治,你班員工唔喜歡咪另謀高就囉!

    回覆刪除
    回覆
    1. 在下個人認為如果待遇上不合理嘅情況可以據理力爭、但搞政治確實不應搞到私人企業去的。

      刪除
  7. 咁,家陣妓脅班人要喊打喊殺,要批要鬦,要日月報聽晒佢地話,算唔算干涉呻吟自由,又算唔算聞煮呢?

    回覆刪除
    回覆
    1. 有些人往往只能在受到教訓嘅時候腦根才會清醒過來、但可惜的是一切已經太晚....

      刪除